Algengar spurningar

Við afhendingu íbúðar er farið yfir öll helstu atriði og leigutaki fær afhenta upplýsingamöppu sem inniheldur m.a. upplýsingar um félagsstarf, mötuneyti, símanúmer og fleira.

Í boði er þjónusta eftir þörfum, m.a. heimahjúkrun, heimastuðningur, lyfjaskömmtun, þrif og aðstoð við daglegar athafnir, samkvæmt mati og þjónustusamningi.

Þjónustuþörf og hæfni til sjálfstæðrar búsetu er metin í viðtali áður en leigusamningur er gerður.

Allar íbúðir eru með neyðarhnöppum sem tengist vöktun allan sólarhringinn.

Já, að uppfylltum ákveðnum skilyrðum um frágang og uppgjör íbúðar sem flutt er úr.

Dýrahald er aðeins heimilt með skriflegu samþykki leigusala og að uppfylltum ákveðnum skilyrðum. Leigusali áskilur sér rétt til að afturkalla leyfið hvenær sem er.

Hægt er að óska eftir sérmerktum númeraplötum, en þær eru eingöngu útbúnar fyrir hreyfihamlaða með útgefin P- merki frá sveitarfélaginu.

Ef þörf er á viðhaldi eða lagfæringum á eignum Eirar skal hafa samband við skrifstofu Eirar í síma eða með tölvuposti á skrifstofa@eir.is. Leigusali ber ábyrgð á almennu viðhaldi fasteignarinnar en íbúar bera ábyrgð á smávægilegum verkum innan íbúðar, svo sem að skipta um perur, losa stíflur og þess háttar. Hægt er að panta útselda þjónustu vegna slíkra verka og þá er rukkað skv. verðskrá.

Með tölvupósti á ibudir@eir.is, símtali á skrifstofu eða í gegnum ábendingahnapp á vef Eirar

Uppsagnarfrestur leigutaka og leigusala er 6 mánuðir.

Íbúð skal skila í sama ástandi og tekið var við henni í sbr. húsaleigusamning. Gerð er sameiginleg úttekt íbúðar við skil.

Trygging er endurgreidd þegar uppgjör hefur farið fram, um tveimur vikum eftir að standsetningu íbúðar er lokið.

1. gr.
Reglur þessar gilda um öryggisíbúðir Eirar að Eirborgum, Eirarhúsum og Eirhömrum og hafa að geyma fyrirmæli um afnot og hagnýtingu sameignar þess og umgengni um hana og um skyldur íbúa gagnvart hver öðrum og rekstraraðila öryggisíbúða Eirar sem af því leiða. Reglurnar eru settar á grundvelli húsaleigulaga nr. 36/1994.

2. gr.
Gilda reglurnar um alla sameign, bæði innan húss og utan, og taka einnig eftir atvikum til íbúða og geymslna og setja íbúum skorður við hagnýtingu þeirra, sbr. ákvæði samninga. Reglurnar gilda um alla sem í húsunum búa, dvelja, þangað koma sem gestir eða eru með öðrum hætti í eða við húsin á vegum eða á ábyrgð íbúa og rekstraraðila öryggisíbúða Eirar.

3. gr.
Öryggisíbúðir Eirar eru ætlaðar sem þjónustuíbúðir fyrir aldraða. Val og úthlutun íbúða fer fram á grundvelli ákveðinna forsendna og viðtals hjá heilbrigðisstarfsmanni. Íbúðirnar eru ferilfærar og hannaðar til þjónustu við tiltekinn hámarksfjölda íbúa fyrir hverja íbúð. Aðeins skráðum leigutökum samkvæmt leigusamningi er heimilt að hafa þar fasta búsetu. Öðrum en skráðum leigutökum er óheimilt að dvelja til lengri tíma en 30 daga samfellt í öryggisíbúð Eirar. Sama gildir um skráningu lögheimilis eða aðseturs í íbúð; slíkt er óheimilt nema með skriflegu leyfi leigusala.

4. gr.
Hverjum þeim sem reglur þessar taka til er skylt að taka á öllum tímum sólarhringsins sanngjarnt og eðlilegt tillit til annarra íbúa og gesta við hagnýtingu og umgengni um húsin, sameiginlegt húsrými, lóðir og fara í hvívetna eftir reglum þessum og ákvörðunum rekstraraðila öryggisíbúða Eirar þar að lútandi.

5. gr.
Íbúum og öðrum afnotahöfum er skylt að ganga þrifalega og hljóðlega um séreignir, sameiginlegt húsrými og lóð og raska alls ekki að óþörfu friði og ró í húsunum. Skal þess jafnan gætt að valda öðrum íbúum húsanna sem minnstu ónæði og óþægindum og taka fullt tillit til sambýlisfólksins í allri umgengni, sbr. 21. gr. Forðast skal alla háreysti á göngum. Stranglega er bannað að nota húsrými eða lóðir til annars en það er ætlað.

6. gr.
Útidyr skulu jafnan læstar sem og allar hurðir að sameiginlegum húsrýmum.

7. gr.
Ekki má skilja eftir fyrir útidyrum eða á gangvegum við húsin vélknúin farartæki, reiðhjól eða annað, sem valdið getur truflun á aðkomu og umferð við húsin. Virða skal sérstakar merkingar svo ekki komi til að bifreiðar, búnaður eða tæki verði fjarlægð á kostnað eiganda.

8. gr.
Óheimilt er að geyma muni sem valda þrengslum, óþrifum eða óprýði í sameigninni.

9. gr.
Engu má varpa út um glugga húsanna eða af svölum þeirra. Þurfi að moka snjó af svölum ber sérstaklega að varast að kasta honum niður, nema öruggt sé að hann falli ekki inn á neðri svalir, verandir eða fólk, sem kann að vera undir. Fjúki lausir munir, pappír og þess háttar af svölum skal eigandi hirða það upp.

10. gr.
Íbúar bera ábyrgð á þrifum og umhirðu á svölum og veröndum sem fylgja íbúðinni. Óheimilt er að hengja fatnað eða tau til þerris á svölum húsanna. Þó má hafa þar snúrur, er eigi ná hærra en handriðið. Bannað er að nota svalirnar fyrir geymslu, með sömu skilyrðum. Óheimilt er að hafa á svölum muni eða búnað, sem valdið getur óþægindum eða ónæði eða spillir útliti húsanna og heildarmynd. Þó er heimilt að hafa þar grill, stóla og borð. Bannað er að berja á svölum gólfteppi, mottur og dregla eða viðra sængurver yfir svalahandrið. Við gluggaþvott skal þess sérstaklega gætt að ekki leki niður á glugga neðar í húsunum. Þegar svalagólf eru hreinsuð skal gæta þess að óhreinindi falli ekki niður af svölunum.

11. gr.
Dýrahald er aðeins heimilt að fengnu skriflegu samþykki leigusala og að uppfylltum skilyrðum sem hann setur. Leigusali áskilur sér rétt til að aftukallað leyfið hvenær sem er.

12. gr.
Reykingar eru stranglega bannaðar í húsunum.

13. gr.
Öll atvinnustarfsemi sem ónæði getur valdið er óheimil í íbúðum húsanna nema að fengnu samþykki rekstraraðila öryggisíbúða Eirar skv. reglum fjöleignarhúsalaga.

14. gr.
Á sameiginlegri lóð húsanna eða við þau má ekki geyma neitt það, er veldur þrengslum, óþrifnaði og óprýði. Á bílastæðum húsanna má alls ekki geyma óskráða eða ónýta bíla. Hámark tvö gangfær og skráð faratæki eru leyfileg á hverja íbúð. Gestir skulu leggja bifreiðum sínum í þar til merkt stæði. Sérmerkt stæði með númeri íbúða, s.k. P-merki eru eingöngu fyrir þá íbúa sem eiga við hreyfihömlun að stríða og eru með vottun um slíkt. Slíkar númeraplötur skal panta hjá Eir sem jafnframt sér um uppsetningu.

15. gr.
Í geymslum íbúða ber að gæta fyllsta hreinlætis og varast að geyma þar nokkuð, er valdið getur óþrifum, hættu eða ólykt.

16. gr.
Í sameiginlegu geymslurými þar sem það á við er einungis heimilt að geyma reiðhjól, hjólastóla, rafmagnskutlur og hjólbarða bíla sem settir skulu í umbúðir í eigu íbúa og merktir viðkomandi íbúðanúmeri svo þeir verði ekki fjarlægðir.

17. gr.
Flokka skal sorp eftir leiðbeiningum sorphirðuaðila. Allt annað efni sem ekki er gert ráð fyrir í sorpgeymslum, skal íbúi sjá um að koma sjálfur til endurvinnslu eða förgunar.

18. gr.
Frá kl. 21.00 til kl. 7.00 má ekkert það aðhafast, hvorki í séreignum, í sameign, bílastæðum eða á lóð húsanna, er raskað getur heimilisfriði og svefnró annarra íbúa húsanna. Á öðrum tímum sólarhringsins skal þess einnig gætt að valda ekki ónæði og truflunum að nauðsynjalausu.

19. gr.
Stranglega er bannað að geyma eldfim efni eða efni sem sprengihætta getur stafað af í húsunum, hvorki í íbúðum, geymslum eða óskiptum hluta húsanna. Ennfremur ber öllum skylda til að fara varlega með eld.

20. gr.
Íbúar eru skuldbundnir hver gagnvart öðrum, rekstraraðila öryggisíbúða Eirar og gagnvart sveitarfélögum til að ganga vel og þrifalega um lóðina og halda henni hreinni og snyrtilegri og haga hagnýtingu sinni þannig að sem minnst truflun og röskun verði á hagsmunum og rétti annarra.

21. gr.
Ekkert sem er til lýta og spillir ásýnd, útliti og heildarmynd lóða og húsa og aðkomu að því eða er til vansa og trafala að öðru leyti má vera á lóð húsanna. Þá má ekki hafa neitt það á lóðunum, hvorki í lengri né skemmri tíma, sem valdið getur truflun á umferð við húsin og torveldar eðlilega aðkomu að þeim.

22. gr.
Allur sóðaskapur og slæm umgengni á lóðum, eða við húsin, sem rekja má til íbúa eða fólks á þeirra vegum, telst alvarlegt brot á reglum þessum. Átroðningur, yfirgangur og áreiti íbúa eða fólks á hans vegum gagnvart öðrum íbúum, starfsfólki og gestum við eignir Eirar öryggisíbúða, er stranglega bannaður og fellur undir alvarlegt brot á reglum þessum. Þegar um er að ræða alvarleg, gróf og ítrekuð brot á reglum þessum eða öðrum ákvæðum leigusamningi aðila, getur það leitt til þess að leigusamningi sé rift, sbr. 30. og 61. gr. húsaleigulaga og hinum brotlega gert að rýma íbúðina.

23. gr.
Ef ágreiningur verður vegna óþrifalegrar umgengni, hávaða að næturlagi eða annarra atriða varðandi sambýlisháttu, skulu kvartanir þar að lútandi bornar fram við rekstraraðila öryggisíbúða Eirar. Rekstraraðili öryggisíbúða Eirar skal bæði að eigin frumkvæði og samkvæmt ábendingum og tilmælum grípa inn í deilur svo fljótt sem auðið er og kosta kapps um að sætta deiluaðila á grundvelli reglna þessara.

24. gr.
Ef ágreiningur rís með íbúum vegna reglna þessara og brota á þeim skal rekstraraðili öryggisíbúða Eirar kynna sér atvik og sjónarmið deiluaðila og leitast við að skera úr ágreiningsmálum og sætta mál.

25. gr.
Rekstraraðila öryggisíbúða Eirar og íbúum er skylt að kynna rækilega fyrir heimilisfólki sínu, gestum, starfsmönnum og öðrum, sem á þeirra vegum fara um eða dvelja í húsunum, reglur þessar og brýna fyrir þeim að fara að reglunum í einu og öllu. Skal eintak reglna þessara ávallt vera til staðar og handbært í hverjum eignarhluta.

26. gr.
Reglur þessar eru settar með stoð í húsaleigulögum nr. 36/1994. Ef óvissa er um ákveðna þætti eða þörf á að hafa samband er hlutaðeigandi beðnir að snúa sér til skrifstofu Eirar í síma 522 5700 eða senda tölvupóst á ibudir@eir.is. Skrifstofan er opin kl. 8-15 mánudaga til fimmtudaga og kl. 8-12 á föstudögum.